Abagabo: Remco Evenepoel yahize abandi mu gusiganwa n'igihe, Umunyarwanda aba uwa 25

Umubiligi Remco Evenepoel usanzwe ukinira Ikipe ya Soudal–Quick-Step, yegukanye yegukanye Shampiyona y’Isi iri gukinirwa i Kigali mu bakinnyi b’Abagabo mu gusiganwa n’Isaha, ibizwi nka Individual Time Trial [ITT] mu Ndimi z’Amahanga.

Ku myaka 25 y’amavuko, Remco yasoje Kilometero 40 na Metero 600 akoresheje Iminota 49, Amasegonda 46 n'iby'Ijana 03.

Remco yisubije iyi ITT nk’uko yabikoze Umwaka ushize n'uwawubanjirije, ubwo iri rushanwa ryakinirwaga i Zurich mu Busiwisi n'i Stirling ho muri Scotland.

Mu Busuwisi, yakoresheje Iminota 53 n’Isegonda, ku ntera ya Kilometero 46 na Metero 100, mu gihe muri Scotland yakoresheje Iminota 55 n'Amasegonda 19 ku ntera ya Kilometero 47 na Metero 800.

ITT yakinwe n’abakinnyi 53, aho buri gihugu cyari gihagarariwe n’abakinnyi 2.

Remco wegukanye ITT y’Umwaka ushize, niwe wahagurutse ari uwa nyuma ku isaha ya saa 16:00, mu gihe Umunyarwanda Nsengiyumva Shemu ariwe wabimburiye abanda ku isaha ya saa 13:45.

I Kigali, Remco yakuriwe n'Umunya-Austarali, VINE Jay, wakoresheje Iminota Iminota 51 n'iby'Ijana 83.

Umwanya wa gatatu wegukanywe n'Umubiligi, Van WILDER Ilan, wakoresheje Iminota 52, Amasegonda 22 n'iby'Ijana 10.

Nsengiyumva Shemu wabaye Umunyarwanda wahize witwaye neza, yasoreje ku mwanya wa 25 mu bakinnyi 54.

Yakoresheje na Remco wegukanye ITT, Iminota 6, Amasegonda 55 n'iby'Ijana 10.

Mugisha Moise n'undi Munyarwanda wakinnye iyi ITT, asoreza ku mwanya wa 31, akoresha Iminota 58, Amasegonda 40 n'iby'Ijana 66.

Umunya-Silovenia, POGAČAR Tadej, nimero ya mbere ku Isi kuri ubu, yabuze muri batatu ba mbere, nyuma yo gusoreza ku mwanya wa kane, akoresheje 52'23''76'''.

Buri gihugu kitabiriye iri Rushanwa, cyahagarariwe n'abakinnyi n'abakinnyi 2, haba mu Bagabo n'Abagore.

Nyuma yo guhaguruka muri BK Arena, berekeje Kimironko (Simba Supermarket) - Rwahama - Chez Lando - Prince House - Sonatube - Nyanza - Gahanga ku Isoko - Kugaruka Sonatube - Rwandex - Kanogo - Peage- Sopetarade - Down Town Round Abaout - Mediheal - Women Foundation Ministries (Kwa Mignone) - Ku Muvunyi basoreza kuri KCC.